Puisi Bali Modern

Puyung

Utpeti Stiti Pralina 

Kawentenang Catur Yuga

Jani kawastanin Kali Yuga

Gumi jani sube ngapung

Telah amah buyung

Ne mokoh bikul kajungjung

Ane berag care capung

Betek ulian nyangut

Ulian ngitukang bungut

Merasa iba dadi sangut

Olih : adhasa(24102016)

Puisi Bali Modern

BALI (desakalapatra)

Desa Kala Patra

Desa genah Imanusa hidup

Kala makacihna dauh sang surya

Patra rikala ngamargiang awig

Sekta kadadosang Tri Purusa

Brahma Wisnu Siwa

Parhyangan Pawongan Palemahan

Nika kasengguh Tri Hita Karana

Pada rumaket idup Imanusa

Gumi bali kaloktah pulo surga

 Olih : adhasa(20102016)

Puisi Bali Modern

Desa

Desa kadi genah
Carik tegal linggah
Cerik bajang tua wayah
Asri rindang tur samah
Taru buku sami munggah
Saling asah asih asuh
Paksi ngindang ring ambara
Suaran paksi ngae bagia
Wong Sidhi Gajah Guna
Salunglung sabayantaka
Tanbina kadi ring suarga
Genah desa ne punika

Olih : adhasa (19102016)